Pro-Palestinian na mga estudyanteng demonstrador nagtayo ng kampo sa U of T

Nagtayo ang grupo ng dose-dosenang tent sa King's College Circle. Ang lugar ay dating binakuranan para sa inaasahang convocation ceremonies na magaganap doon isang buwan mula ngayon, ayon sa unibersidad.

Ang pagkilos ay dumating habang ang mga estudyante sa mga unibersidad sa buong North America ay nagtaguyod ng sariling protest encampments upang idemanda ang pagwawakas ng nagpapatuloy na digmaan sa Gaza.

Sa isang pahayag, ang mga student protestor sa U of T ay sinabi na sila ay nananawagan sa post-secondary institution na tanggalin ang assets na sinu-sustain ang Israeli apartheid, occupation at illegal settlement ng Palestine. Idinemanda rin nila na putulin ng unibersidad ang kanilang ugnayan sa Israeli academic institutions na nag-o-operate sa loob ng okupadong West Bank.

PANOORIN | Sa loob ng student protest encampment:

Début du widget Widget. Passer le widget ?

Fin du widget Widget. Retourner au début du widget ?

Sinabi ng mga estudyante na hindi pinansin ng administrasyon ng unibersidad ang kanilang mga alalahanin bagama’t may naunang mga demonstrasyon at mga tangka na makipag-ugnayan.

Isang tagapagsalita para sa mga estudyante ng U of T ang nagsabi na maaari silang humarap sa consequences para sa kanilang partisipasyon sa protesta.

Noong Lunes, nagpadala ang mga administrador ng isang campus-wide email na nagbabala sa mga estudyante laban sa trespassing sa property ng unibersidad.

Nag-isyu ang isang grupo ng U of T faculty ng isang mahabang pahayag na sumusuporta sa mga estudyante ngayong Huwebes ng umaga.

Ang pahayag ay nilagdaan ng U of T chapters ng Jewish Faculty Network, Faculty for Palestine at Health Workers Alliance for Palestine.

Ang kampo sa U of T ang pinakahuli na umusbong sa Canada. Ang mga estudyante sa McGill University sa Montreal, Western University sa London, Ont., at University of British Columbia sa Vancouver ay nagtayo rin ng semi-permanent protest sites.

Palakihin ang larawan (bagong window)

Sinabi ng mga participant na sinusubukan nilang kumuha ng atensyon para sa nagpapatuloy na humanitarian situation sa Gaza, na resulta ng pagtugon ng Israeli military sa nakamamatay na pag-atake na inilunsad ng Hamas at iba pang militante noong Oktubre 7.

Kaugnay na mga ulat

• Pro-Palestinian na protesta sa kampus ng McGill lumaki sa ikatlong araw
• McGill humingi ng tulong sa pulis para buwagin ang pro-Palestinian na kampo
• Hukom ibinasura ang injunction request para buwagin ang kampo ng protesters sa McGill

Isang artikulo ng CBC News na isinalin sa Tagalog ni Catherine Dona.